Plantun de Prouvènço

Pèr coumpara dos planto d'encò nostre

Laserpitium latifolium & Amelanchier ovalis

Laserpitium latifolium

Apiaceae Umbelliferae

Noms en français : Laser à feuilles larges, Laser blanc.

Descripcioun :
Grando planto (> 1 m) que vèn pulèu en basso mountagno emé de brout (oumbello) de la grosso. Se recounèis à si fueio coumpausado de large fuioun (5 à 6 cm). Li lòngui bratèio retoumbon vers lou bas (fotò). Laserpitium gallicum a de fuioun mai estré, en pau en triangle.

Usanço :
Lis angelicasso èron, à passa tèms, aproufichado dins la preparacioun de poutingo (planto diuretico, tounico e estoumatico). Se dis que li rouman, se servien di racino pèr assaboura li counservo de cachofle (F. Couplan, op.cit. p. 468). .

Port : Grando erbo
Taio : 0,5 à 1,5 m
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Laserpitium
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 4 à 5 cm
Flourido : Estiéu

Sòu : Ca
Autour basso e auto : 200 à 2400 m
Aparado : Noun

Liò : Tepiero roucaiouso - Pinèdo - Blachiero - Esboudèu
Estànci : Subremediterran à Subaupen
Couroulougi : Éuroupenco
Ref. sc. : Laserpitium latifolium L., 1753

Amelanchié

Amelanchier ovalis

Rosaceae

Àutri noum : Amelenquié, Avelanchié, Melanchié, Averanchié, Escoubo-d'iero.

Nom en français : Amélanchier.

Descripcioun :
L'amelanchié, qu'a douna lou noum en latin e francés, flouris belamen à la primo avans que de sourti si fueio. Aquésti soun roundo e dentado. Fai de pichot fru blu pièi negre.

Usanço :
Se saup bessai pas trop que li fru soun bon à manja. Tastas-lei e veirés qu'an bon goust se soun pas trop se. Li ramo servien, à passa tèms, à faire d'escoubo pèr neteja lis iero de cauco -Escoubo-d'iero- (O. Madon).